Ab Railway ke app se book hogi Un-reserve Ticket.

Indian RailwayRailway Ministry ne digital India ki disha mein ek aur kadam badha diya hain. Railway Mantralya ne aaj Pilot basis par Unreserved class mein ticket book karvane ke liye mobile phone app pesh kar diya hain. Indian railway ne yeh pahal paperless ticketing ke liye kiya hain. 

Rail Minister Suresh Prabhu ne aaj South Railway Zone mein aane vale Chennai ke Egmore aur Tambram upnagaro ke yatriyon ke liye iss mobile app ko launch kiya. Philhaal yeh suvidha south zone ke 15 station ke yatriyon ko milegi. Railway ki aage ise sabhi metro station tak badhane ki yojana hain. Prabhu ne kaha ki iske liye budget mein prastav kiya gya tha. Ab ise lagoo kar diya gya hain. 

Is App ke madyam se ticket book karvane vale yatriyon ko iska printout lene ki jaroorat nahi hogi aur vah TTE ko apne cellphone par iski softcopy dikha sakenge. Iske alawa is pahal se yatriyon ko ticket window se ticket khareedne se mukti milegi aur unka samay bhi bachega. 

Yeh App Android aur Windows platform vale mobile ke liye hain. jise google store se download kiya ja skta hain. Download karne ke baad user ko E-wallet taiyar karne ke liye ek ID Number milega. Ticket khareedne ke liye paise ka bhugtan E-wallet mobile payment system se ya to Online ya kisi station ke ek Ticket counter par karna hoga.

You May also like :-