Hinglishpedia

Agar kendra sarkar ke hawale se aa rahi news par vishvas kare to voh din door nahi jab aapke apply karne ke mahaz 48 ghanto ke baad aapka pan card aapke haathon mein hoga. Govt. jald hi aisi yojana samne lane ki koshish kar rahi hain.

Pan Card banvana chahte hain to fikr mat kijiye. Ab Pan card milne mein adhik samay nahi lagega. Agar aap Online Pan card apply karte hain to sirf 48 Ghanto mein Pan Card bankar aapke ghar pahuch jayega. Sarkar aisi vayvastha karne ja rahi hain, Jiske tahat Online pan card pane mein lagne vala samay 15 din se ghatkar 2 din rah jayega. Central Govt. jald hi iski official announcement kar degi.
 
Vitt Mantri Arun Jaitely ne isi saal budget mein ghoshna ki thi ab sabhi high price vale lenden mein logo ko pan card dena compulsory hoga. Saath hi Black Money ko rokne ke liye Govt. ne sabhi tarah ki property aur gold kharidne ke liye pan card ko compulsory banane ka ailan kiya tha. Aisa hone ke baad pan card banane mein lagane vale samay ko lekar bhi logo ki kafi complaints govt. ko mil rahi thi. Usay dekhte huye sarkar ne 48 ghanto mein Pan card banakar logo tak pahuchane ka faisla kiya hain.

Desh mein Pan card banvane ke liye abhi 2 agencies kaam karti hain. Pahli NSDL hain aur doosri UTI Technology Services. Dono agencies ke portal par Pan card banvane ke liye Online Apply kiya ja sakta hain. Pahle hi Pan card banvane ke liye niyam asaan kar diye gye hain. Iske tahat somvar ko sarkar ne ghoshna ki thi ki ab kewal Aadhaar Card ya Voter Card Pan card ke liye pryapt document hoga. Abhi tak logo ko apni Date of Birth, Identity aur Residence Proof ke taur par 3-3 document dene padte thay.

Kitne Pan card Holder hain is desh mein
Desh mein 25 July 2014 tak 20.96 Crore Pan Card ban chuke thay. Vahi Return file karne valon ki kull sankhya varsh 2013-14 mein 4.70 Crore tak pahuch gyi hain. Saal 2012-13 mein aise 3.52 crore log thay.  



loading...


 
Top