Hinglishpedia

1
12 Rupees Insurance Vitt mantralay ne 12 rupaye aur 330 rupaye mein sasta insurance dene ke niyam tay kar diye hain. Iske liye bima ka labh lene ke liye applicant ka saving account hona jaroori hain. Saath hi vah kewal ek hi bank account par hi saste insurance ka labh le payega. Yani ki agar kisi vyakti ka ek se jyada bank khata hain, to vah do ya do se adhik khato par scheme ka labh nahi le payega. Usay kewal ek khate par 12 Rupees mein Accident Insurance aur 330 Rupees mein Jeevan Bima karvane ka mauka milega. 



1 June se milega Insurance  cover 


Pradhanmantri Jeevan surksha bima yojana aur Pradhan Mantri Jeevan Jyoti Beema yozna ki shuruvat 1 June 2015 se ho rahi hain. Jiske liye 31 May 2015 tak registration karaya ja sakta hain. Desh ke Main Banks Scheme mein enrollment ki suvidha 1 May se shuru karenge. 


Multiple Bank Account hone par bhi ek hi Insurance


Vitt mantralay dwara jari suchna ke anusaar agar kisi khatadharak ka ek se adhik bank mein bachat khata hain, to bhi vah kewal ek hi baar insurance kara sakega. Aisa nahi hoga ki koi vyakti alag-alag bank mein kai baar insurance ka labh le sake. Vitt mantralay ki yeh koshish hain ki scheme ka labh desh ka har vyakti le sake. 


Aadhaar Card hoga aham 


Insurance cover dene mein duplicity na ho. Isliye is scheme ke Tahat KYC mein Aadhaar card ko aham rakha gya hain. Rules ke mutabik jo bhi vyakti scheme ke liye apply karega. Uske KYC ke roop mein bank "Aadhaar" ko important denge.


Pahle saal enrollement mein milegi chhoot


Dono yojanaon ki avadhi 1 June 2015 se lagoo hogi. Jo ki har saal 1 June se 31 May tak ke liye  hogi.   Uske baad yojana mein bane rahne ke liye policy holder ko renewal karvana hoga. Is saal 31 August 2015 tak enrollment ki chhoot vitt mantralay ne di hain. Jise jaroorat padne par badhaya bhi ja sakta hain.


Kaise karaye enrollment 


Jis bank mein aapka bachat khata hain, vaha jakar aap Enrollment ke liye avedan kar sakte hain. Iske tahat bank aapko ek form dega. Jiske jariye bima kiya jayega. Premium ke liye   aapko bank  form mein yeh swikrti deni hogi , ki aapke khate se premium ki amount khud kaat li jaye. Bank har saal aapke khate mein se premium ki rashi khud kaat lenge. Saath hi yeh bhi jaroori hain ki aap Bank ke niyam ke mutabik hamesha bank khate mein minimum balance rakhe. Insurance ke liye aapko kisi bhi Insurance company ke paas apply karne ki jaroorat nahi hain.


Kitna milega Insurance cover 


Pradhan Mantri Jeevan Suraksha Yojana mein bima dharak ko 2 Lac Rupaye ka accident cover milega. Jabki Accident ke dauran Handicap aadi ki sthithi mein 1 Lakh ka cover milega. Halaki agar durghatna ke dauran vyakti ki aankhon ki roshini chali jati hain, ya phir uske haath aur pair bekar ho jate hain, to bhi 2 lakh ka cover Policy Holder ko milega. Koi bhi vyakti jiska saving account ho, uski umr  (Age) 18-70 saal tak hai,  vah scheme ka labh le sakega. Iske liye use har saal 12 Rupees ka premium dena hoga.


Isi tarah Jeevan Jyoti yojana ke tahat 18-50 saal ki umr (Age) ka vyakti 330 Rupees ka salana (Annual) Premium dekar, 2 Lakh Rupaye ka Jeevan Bima cover le sakega. 55 Saal ki avadhi ke dauran agar kisi vaykti ki kisi bhi karan se maut ho jati hain, to uske uttradhikari (Nominee) ko 2 Lac (Lakh) Rupees (Rupaye) ki rashi milegi.   


Post a Comment

  1. is ka bond hame kab milega!
    bank adikari bhi nahi batasakre.

    ReplyDelete

 
Top